Pata hai, hum abhi tak kitni baar mile hain? Yaad hai, hum pehli baar kahan aur kab time spend kiye the? College mein bhi hum milte hain, lekin baat nahi karte, isliye un meetings ko count nahi karenge. Hum sirf unhi dinon ko ginege, jab humne saath mein time spend kiya aur baatein ki.
1st Mulakat :
Date thi 2 December 2025, Tuesday. Hum railway station par pehli baar mile the. Tum competitive exam dene Balasore ja rahe the. Main pehle college se nikal kar railway station pahunch gaya tha aur tumhara intezar kar raha tha. Tum kuch der baad aaye. Us waqt tum bahut hi sharmile the. Maine kaha tha ki main tumhari photo lunga, lekin tumne mana kar diya. Tumne kaha ki selfie lenge, lekin sirf meri photo nahi kheenchne doge. Shorts video banane ke liye bhi tum mana kar rahe the.
Hum baith kar baatein kar rahe the. Mujhe thoda nervous bhi lag raha tha, kyunki hum pehli baar mil rahe the. Tum mujhse thoda door baithe the. Maine kaha, “Itna distance kyun? Paas aao na.” Tumne kaha, “Nahi, tum hi aao.” Phir main hi tumhare paas aa gaya.
Kitni pyari lag rahi thi tum us din. Tumhare saath rehkar bahut jaldi time khatam ho gaya aur train bhi aane wali thi. Phir tum akele chale gaye.
2nd Mulakat :
Date thi 22 January 2026, Thursday. Tum ghar se hostel aa rahe the aur main tumhe lene railway station gaya tha. Main station pahunchkar tumhara intezar kar raha tha. Tum aaye aur hum station se paidal hi chal pade. Raste mein tumne kuch fruits kharide. Uske baad hum Vicky Restaurant gaye. Tumne kaha, “Main nahi khaungi, parcel lungi aur room mein jaakar khaungi.”
Humne do biryani order ki, ek tumhare liye aur ek tumhari roommate ke liye. Kaafi der hum wahi restaurant mein baithe rahe, kyunki cooking start hi nahi hui thi aur time lag raha tha. Wahan humne baatein ki, selfies li aur phir biryani parcel lekar auto se college aaye.
Ye thi hamari doosri mulakat.
3rd Mulakat :
Date thi 1 February 2026, Sunday. Us din mujhe tumhe meri best friend se milwana tha.
Tum pehle hi college se nikal kar Jatani Gate pahunch chuke the aur mujhe call karke pooch rahe the, “Aa rahe ho ya nahi? Warna main ja raha hoon seedha.” Main soch raha tha ki tum mujhe call karoge jab tum college se nikalogi, lekin tum to pehle hi nikal chuki thi. Phir main jaldi-jaldi nikla aur tumhare paas pahunch gaya. Wahan se humne Ola cab book ki aur Adivasi Mela Ground pahunch gaye, kyunki humein wahan meri best friend se milna tha aur mela ghoomne ka bhi plan tha. Lekin mela abhi start hi nahi hua tha.
Humne meri best friend ko nahi bataya tha ki tum mere saath aa rahe ho. Hum use surprise dene wale the. Phir hum Ram Mandir chale gaye, lekin dekha ki us din mandir bhi band tha. Hum wahan kuch der baithe, baatein ki, selfies li aur maine tumhari shorts video bhi shoot ki. Uske baad meri best friend aur meri ek dost bhi aa gayi. Hum tino ne photos click kiye, selfies li aur shorts videos banaye.
Uske baad sabhi restaurant mein khana khane gaye. Tumne kaha, “Main nahi khaungi.” Maine kaha, “Thoda to kha lo.” Phir tumne meri plate mein se thoda sa khana khaya. Tumhare liye parcel bhi karwa diya, jo tum hostel le gayi. Itni saari sabzi thi, lekin rice bahut kam tha aur khana bhi achha nahi lag raha tha. Price ke hisaab se khana achha nahi tha. Tumhe jaldi hostel chhodna tha, kyunki der ho jaati to hostel mein problem ho sakti thi. Isliye hum dono wahan se jaldi nikal aaye aur meri best friend aur meri dost ko bhi wahan chhod diya.
Uske baad maine sandwich order kiya, jo tum parcel lekar hostel gayi. Tumne bataya tha ki tumhare dost logon ne bhi kuch khane ke liye lane ko kaha tha. Phir tumhe college chhodna tha, kyunki der ho jaati to hostel mein issue ho sakta tha. Isliye maine tumhare liye Ola cab book ki aur tumhe jaldi college pahucha diya.
Uske baad main bhi usi Ola cab se wapas Adivasi Mela chala gaya, kyunki hamara plan mela ghoomne ka tha. Agar main nahi jaata to meri best friend aur meri dost dukhi ho jaate, isliye main akela hi chala gaya. Tumhe hostel mein jaldi aane ko bola gaya tha, isliye tum hostel chali gayi. Warna hum sabhi saath mein mela ghoomte.
Cab se akela ja raha tha, tab maine apne do classmates ko call kiya aur kaha, “Chalo, ghoom kar aate hain.” Phir maine raste mein un dono ko pick kiya aur hum Adivasi Mela pahunch gaye. Humne Adivasi Mela ghooma. Wahan hamare classmate ki ek ladki dost se bhi mulakat hui. Maine unhe meri best friend aur meri dost se introduce karaya. Raat ko main aur mere dono dost bus se wapas aaye. Meri best friend, uska boyfriend aur meri dost ko hum wahin chhod aaye, kyunki humein der ho rahi thi.
0 Comments