Kuch log bolte hain ki online mein kya hi seekh sakte ho? Physical class hogi, tabhi kuch samajh mein aayega. Online class se kya seekhoge?
Aise sochne wale logon ke liye main bata doon - chahe online ho ya offline, agar kuch seekhne ki jaanun hai, toh tum kahin se bhi seekh sakte ho. Online ya offline, isse koi farak nahi padta.
Mera hi example le lo, Maine online mein video dekh-dekh kar video editing seekhi, photo editing seekhi aur thodi-bahut audio editing bhi seekhi. Premiere Pro, DaVinci Resolve, Photoshop jaise professional software maine online videos dekhkar hi seekhe hain. Aur tumhe bata doon, mujhe video editing ke role ke liye job bhi mili thi. Bahut saare bachche ye sab seekhne ke liye offline courses karte hain, lekin maine ghar baithe hi free mein bahut kuch seekh liya. Agar main bhi unhi logon ki tarah sochta ki “online mein videos dekhne se nahi seekh paunga”, toh kya main ye sab seekh pata?
Mere andar interest tha ki mujhe ye cheezein seekhni hain, isiliye main seekh paya. Isiliye apne dimaag se ye soch nikaal do ki online mein nahi seekh sakte aur offline course hi karna padega. Aapne pehle hi soch liya ki online se kuch nahi seekh sakte, lekin koshish bhi nahi karte ki “chalo, ek baar try karke dekhte hain ki online mein kaise padha rahe hain.” Aap try hi nahi karte. Pehle se hi maan lete ho ki online se nahi seekh sakte. Isi wajah se aap wahin ke wahin reh jaate ho.
Padhai ke time bhi main YouTube par videos dekhkar apne doubts clear karta tha. Meri real-life story se aap samajh gaye honge ki agar kisi bhi cheez ko seekhne mein aapka interest hai, toh aap use zaroor seekh sakte ho. Chahe learning online ho ya offline, koi farak nahi padta. Seekhne ke liye sabse zaroori cheez hai - interest, consistency aur seekhne ki ichha.
0 Comments