Pyar sirf kisi ladke ya ladki ko dekhne ke baad hi nahi hota, ye bina mile bhi ho sakta hai. Jab koi ladka ya ladki har din kisi ek insaan ke baare mein sochta hai, aur agar woh insaan kisi aur se baat kare, to use bura lagta hai. Lekin usi samay, agar woh aapse baat na kare, to ye bhi achha nahi lagta. Agar woh aapse kuch galat bhi kar de, tab bhi aap usse nafrat nahi kar pate, balki use maaf karne ka mann karta hai. Yahi pyar hai.
Pyar koi aisi cheez nahi hai jise aap soch-samajhkar karne ka faisla lete hain, ye bas apne aap ho jata hai. Jab hum kisi ke kareeb hote hain, to aksar hume iska ehsaas nahi hota, lekin jab woh humse door chala jata hai, tab us ehsaas ki asli gehraai samajh mein aati hai.
Aapki zindagi mein chahe kitni bhi doosri ladkiyan kyun na aayein, aap us insaan ko kabhi nahi bhool sakte, jisse aapne saccha pyar kiya tha. Agar aap kisi se pyar karte hain, lekin woh aapse pyar nahi karta aur kisi aur ke pyar mein hai, tab bhi aap uske liye sirf achha hi chahenge.
Aap use pareshan nahi karenge aur na hi uski zindagi mein koi pareshani khadi karenge balki aap sirf yahi chahenge ki woh khush rahe, chahe woh kahin bhi ho. Uski khushi ke liye aap kuch bhi karne ko taiyar rahenge.
Pyar kabhi khatam nahi hota bhale hi woh kisi aur se shaadi kar le, phir bhi aap use kabhi poori tarah bhool nahi paayenge.
0 Comments