Hamare college mein annual function aane wala tha. Hamare HOD ne kaha ki MBA department ki taraf se hum ek drama dikhayenge. Mujhe poora concept samjhaya gaya aur bataya gaya ki audio ko kaise edit karna hai. Unka plan tha ki voice mic mein record ki jayegi aur mujhe sirf background music edit karna hoga. Maine kaha ki voice recording pehle hi karke poora audio edit kar lete hain, phir unhe sirf audio play karna hoga aur hamare bachche us audio ko follow karke perform karenge.
Ma’am ko bhi ye idea bahut achha laga. Isse bachchon ko stage par mic mein dialogue bolne ki zarurat nahi padegi, unhe sirf acting karni hogi. Us waqt ma’am mujhe hi hamare department ka editor maanti thi aur ye bhi jaanti thi ki main editing achhi tarah karta hoon. Mera YouTube channel bhi hai, isliye mujhe editing ka experience tha. Isliye ma’am ne mujhe kaha ki tum audio ready kar do, uske baad practices shuru karenge. Saath hi, ek documentary ke liye video edit karne ko bhi kaha gaya.
Maine apne iPhone se voice recording ki aur uski editing shuru ki. Us waqt mujhe audio editing ke baare mein zyada knowledge nahi thi, lekin maine YouTube se seekhkar audio ko edit kiya.
Neeche jo image hai, us par click karke aap hamare college mein MBA department ki taraf se dikhaye gaye dono dramas dekh sakte hain. Pehla drama “Dram Vijay” tha, jo 2024 ke annual function mein perform kiya gaya tha. Dusra drama “Shree Krishna Leela” tha, jo 2025 ke annual function mein dikhaya gaya tha. Dono dramas ka audio maine hi edit kiya tha. Saath hi, stage ke background mein jo LED screen lagi thi, us par chalne wali videos ko bhi maine hi edit kiya tha.
Aap video dekhkar apna feedback zaroor dena. Kya maine audio aur video editing sahi ki thi? Aur hamare bachchon ki performance aapko kaisi lagi?
0 Comments